LANGIS SA TABLA.

Ako ang gigising
sa natutulog na bayan
sa basag na kultura
sa panis na pag-asa

ako ang gagamit
sa nakatagong kakayahan
ng lahing kayumanggi
sa sinibulang lupa

ako ang guguhit
sa likod ng mga puso
sa harap ng madlang tao
sa ibabaw ng senaryo

wika ko ang tataguyod
sa kailangan itayo
pagkakaisang kailangan
para bukas ay gumaan

brotsa ko't pintura
ang huli nyong makikita
bago ang pag-asa
sa inyo'y makisama

wika ko naman ang eentra!

guhit ko'y sasama!

ngayong panahon!

ako naman ang bida!