Pag lahat sa mundo bukas ay maliwanagan
ano ang mangyayari?

Nakakawala ng malay ang hangal at gunggong na ideya
Pano kung bukas wala na ang bigat na lubhang malala?
Pano kung bukas wala nang gravity?
Pano kung bukas wala na ngang gravity?

Ginawa ng santinakpan
ang mga pagpapasya at pangangatwiran
siyensiya at pamamaraan
sa utak at sintido kumon
na wala naman talagang maipaliwanag
na maliwanag
na rason
malaman lang ang ugali
ng sangkatauhan at sansinukob

Meron ba talagang kaganapan sa anomalya?
Eh ang anomalya sa kaganapan?
Ang teorya ni Totie?
na iba naman ang paliwanag ni Tanga?

Meron bang lohikal sa utak?

Siguro dahil at kung ang utak mo ay napakasimple
madaling unawain
Kaya lang
ang simpleng utak ay hindi pa hasa
upang maunawaaan
at bigyang liwanag
ang kasimplehang ‘to

O kaya ang utak ay sapat
ng maging ganito kakumplikado
para umunawa

KASO NGA LANG
KAYA NGA LANG
ITO
AY KUMPLIKADOMASYADOPARA MAINTINDIHAN NI
Mo at Ko


Maaari mo tong pabagalin at palalimin
Maaari ring pababawin at pabilisin
Pero hindi mo ‘to mapipigilan
Hindi mo ‘to mapipigil

Maliban na lang kung….
BANG! BANG!
BANG!

yun lang…