WALA

Wala akong nakikitang espesyal
Sa iyong kinalalagyan
Nabulag ka lang din gaya nila
gaya ko

Sa isang puso ka nagtirik ng ‘yong kandila
Pinagliyab ang pagmamahal
Matakasan lang
Katotohanan

Papailanlang ang sayaw ng ating usok
Mula sa nalulusaw
At nasusunog na pagmamahalan
Plastik kapwa

Kausap pa kita kanina lang
Sa kabila ng linya
humihingi ka ng paumanhin
Konsolasyon ko

“Sandali! Huwag mong dalhin ang kandila
Kailangan ko ‘yang apoy.”

Amuyin mo ang hangin, ang simoy
Nakatagpo na rin ako
huwag..
"Huwag kang umalis"



Nandito na ko sa kabila
Dito ako maglilimlim
Kekwentuhan kita ng isang alamat
sa muling pakikipagsiping

wala akong nakikitang espesyal
kakaiba lang
kakaiba lang
kunin mo na

ang matagal natin hinabi na kalungkutan
yari na
kunin mo na
kakaiba lang
wala na akong masasabi